وطني الجمال – قصيدة لشاعرة الإغتراب اللبناني أنطوانت الديري

شو هم ان كـان عنا زبـالـة
جمال الوطن غطى الحثالة
من المعالم والاثار والحرافة
اطلع يا لبناني شوف الجمال
….
الروشة بحسنها الفتّان
اتباها البحر ب صخرتهـا
صار القمر ويـن مـا كـان
يلحقها ويضـوي بسمتها

وبعلبك يــــا قمر الزمان
شو حلو صمودا وطلتها
شكلك متل رسم فنّان
والشمس باسمها سمتها

جعيتا السحر والاحلام
ما بتلاقي ابدا بجمالها
يا نجوم داخلها ما بتنام
واللؤلؤ بيسبح بمائها

صـيدا فيكي قلعة منحوتة
محصّنة بسورك العالي
بقوة ابـراجها مـوصوفة
والبحر على زندك غافي

بشري المزروعة بـــالارز
عروس وبفخر ب تتباهــا
الارز عطاها الفخر والعـز
حرف جبران حلا سماها

 بيروت بيروت يا ام الحنان
حاضنة ب قلبك كل انسان
لعيون عليكِ من كل البلدان
وبحسنك صار الكون محلا

أ.الديري.

0 Comments

Leave a Comment

Login

Welcome! Login in to your account

Remember me Lost your password?

Lost Password

Skip to toolbar